流行快報What's News

內地明星親子真人騷全部禁播!《爸爸去哪兒6》無限延期 黃貫中父女綜藝處女作泡湯

內地親子真人騷《爸爸去哪兒》系列播出以嚟人氣一直有增冇減,仲帶旺同類型題材嘅節目,倒如《爸爸回來了》、《媽媽是超人》、還有黃貫中父女有份參演的處女作《想想辦法吧爸爸》等。最近有指內地廣電總局再收緊政策,令這一系列的親子真人騷要延期播映,甚至播映無期,亦有可能全部泡湯。來自中,港,台甚至其他國家嘅明星爸媽帶住星二代寶寶上節目,滿足嗮fans對藝人私生活嘅好奇心。曾幾何時子女係明星父母最想要保護嘅隱私,如今佢哋個個都想帶小朋友上節目,體驗生活之餘賺高價片酬。參加第一季《爸爸去哪兒》之前,張亮只係一個名氣唔大嘅模特,《爸爸去哪兒》令佢同兒子天天一夜成為廚藝精湛嘅超級奶爸同陽光暖男寶寶。陳小春同囝囝Jasper呢對父子同辣媽應采兒係觀眾最愛之一,上節目淨袋3500萬酬勞,小春一家同時都係最貴嘅家庭之一。之不過內地政策朝令夕改,一時一個樣,最近內地嘅廣電總局頒發禁令,嚴格控制明星子女參加真人騷節目,禁止節目以明星博眼球嘅做法。所有嘅親子真人騷突然瞬間被封印。原定今年8月播出最新一季嘅《爸爸去哪兒》官方微博喺八月發佈咗一條延期播出嘅聲明之後就冇再更新。Fans只能睇下小春同Jasper新一季宣傳片止渴喇。早前黃貫中帶住佢同朱茵嘅囡囡Debbie黃鶯上另一個親子真人騷《想想辦法吧爸爸》,出發拍節目當日朱茵一家三口機場含淚緊緊擁抱,一時成為熱話。節目組嘅官方微博最後一條發佈咗黃貫中嘅宣傳片之後亦再冇更新,似乎暗示節目播出無望。不過評論中仍然有大批網民質疑節目究竟仲播唔播。好多粉絲忿忿不平,認為黃貫中難得參加一次綜藝,結果播唔出,質疑係節目組冇做好準備功夫而導致呢個結果。而黃貫中9月份仲有喺微博幫節目宣傳,之後就再冇提過。朱茵微博9月6號轉發完同囡囡一齊唱節目主題歌嘅短片之後,都冇再為節目宣傳,睇嚟《想想辦法吧爸爸》真係凍過水。準備讀小學,要以學業為重,之後黃鶯應該都唔會再上節目喇。早前朱茵出席活動嘅時候都有避重就輕回應呢件事,佢話宜家忙緊搞囡囡讀小學嘅事,似乎對節目流產唔太在意,亦又可能已經接受咗事實。朱茵同好姊妹陳法蓉搞美容生意,又忙緊帶囡囡面試小學,都冇時間關心真人騷仲有冇得出街。一個政策,令全部明星親子節目化成灰,唔少fans都感到相當唏噓。其實內地控制明星親子真人騷嘅政策一直不斷收緊,想當年《爸爸去哪兒》一直都喺電視台播,到後來只能成為網絡綜藝,宜家禁令再出,睇怕以後都好難再喺節目上睇到班得意星B嘅身影喇。推薦閱讀:➤ 《想想辦法吧!爸爸》 萌娃黃鶯! 朱茵黃貫中女兒Debbie愈長愈可愛 ➤ 朱茵帶囡全家出動拍內地親子騷 黃貫中大騷父愛千萬片酬袋袋平安➤ 應采兒寶貝仔 Jasper 寫錯爸爸陳小春名字!小小春陳胤捷可愛搞笑時刻公開!Follow us on:Facebook: CosmoHKInstagram: @cosmopolitan_hkYouTube: CosmopolitanHK

當兵oppa強勢回歸!2019粉絲們可以見到哪些退伍男神?

韓國娛樂近年蓬勃,不過對於男星來說,為國家服兵役可說是發展的一大障礙,聲勢浩大如BIGBANG及防彈少年,都不得不 乖乖遵守國家規定,在當打之年為國服務。香港沒有自己軍隊,但不少國家都有成年男子兵役制度,像韓國便實行「義務兵役制度」,憲法規定每名20歲至30歲的韓國男性公民都要服兵役,履行國民義務。不少韓星在20出頭開始入行打拼,幸運的話在30歲前都薄有所成,然而到了事業有起色時,卻不得不考慮兵役問題,在1989年及1990年出生的,在今年都進營當兵哥了,不過幸運的是,最快明年1月便服役完畢了。在音樂界方面,BIGBANG今年可說是「被肢解」,多名成員都相繼被召入伍,差不多陷入休團狀態,因為G-Dragon、T.O.P、太陽同大成都先後入伍。T.O.P@BIGBANGT.O.P曾經捲入大麻案,所以兵役被一再延長,但預計在明年6月便退伍,而G-Dragon、太陽及大成相繼分別在今年2月及3月入伍,當中G-Dragon預計明年10月26日退伍玉澤演@2PM2PM成員玉澤演曾經經過兩次盤骨手術,但不以「優待」身份當兵,去年9月以現役兵身份入伍,於京畿道高陽市城石洞的白馬部新兵教育隊訓練,預計在明年6月左右便退役。服兵役是責無旁貸的國民義務,不過也時有爭議。G-Dragon被指曾經以修讀博士及演藝活動為由推遲服役惹起爭議;而韓國頭號球星孫興民也因為兵役差點中斷如日中天的英超足球事業,也曾引起韓國人熱論。推薦閱讀:➤ 「洛基」Tom Hiddleston劍橋畢業!介紹返五個荷里活超高學歷男神➤ 「妳應該馬上跟男朋友分手,開始跟我約會!」!男神Armie Hammer靠這段霸氣告白追到妻子➤ 《檢察狂人》兩大男神對決!木村拓哉二宮和也戲內決裂戲外不和?Follow us on:Facebook: elleOnlineHKInstagram: @ellehongkongYouTube: ELLETVHK