周奕瑋再帶隊去東京 新一輯《周遊東京》食買玩住樣樣齊

大台旅遊節目《周遊東京》上次播完第一輯,唔少網民都有讚內容夠貼地,今次周奕瑋再去東京拍攝新一輯節目。內容再次加碼,而且仲講到明唔會翻炒舊野,包保全部都係新地方新餐廳添!

▲ Cosmopolitan.com.hk

▲ Cosmopolitan.com.hk

節目星期一晚(5/11)播出,介紹左上一輯睇得未夠喉嘅內容,例如A5和牛燒肉放題,當中仲有12款稀有嘅和牛部位,就算聽到個中文名都未必知或者未必食過。

▲ Cosmopolitan.com.hk

超豪華魚生飯,Jarvis話呢個係佢留學時就已經幫襯,店主婆婆仲見係佢先應承拍攝添!當中個碟連埋個鯛魚頭上枱嘅雜錦刺身,真係太誇張!唔mark定下次
都對唔住自己。

▲ Cosmopolitan.com.hk

平食高級日本生果,Jarvis介紹左超高級的提子品種「Ruby Roman」,市價一粒竟然要差唔多3千蚊港幣!不過Jarvis有平食貼士,就係買店家特意剪出黎嘅散
裝提子,同樣貨色但平好多倍嘅價錢。

▲ Cosmopolitan.com.hk

另外Jarvis仲去埋第一輯時因為落雪而拍唔到嘅高空歷奇體驗打卡。睇見佢喺高空咁行黎行去真係腳都軟,不過就啱晒一班鍾意玩刺激活動嘅人喇!

▲ Cosmopolitan.com.hk

而上一輯最有話題性嘅100Yen搶衫活動,今次都有加碼,帶大家去左個500Yen限時搶衫放題,今次唔只burberry頸巾,竟然仲有LV袋搶添!

▲ Cosmopolitan.com.hk

除左呢啲內容,黎緊播出嘅集數仲有唔少食、買、玩、住系列。

雞蛋放題
▲ Cosmopolitan.com.hk

Jarvis去咗一間雞蛋專門店,品嚐日本人最鍾意嘅生雞蛋拌飯,餐廳有超多款唔同雞蛋任均選擇,Jarvis就話自己嘅心水No.1係柚子雞蛋,食起上黎真係有柚子味
咁話。而且餐廳菜單仲係放題黎,生雞蛋同配料都任食,而主廚更加係名「品
蛋師」,估唔到食生雞蛋拌飯都可以食得咁專業。

原隻龍蝦拉麵
▲ Cosmopolitan.com.hk

另外唔少得必食嘅拉麵推介,Jarvis推薦呢碗原隻龍蝦拉麵,成隻龍蝦放喺碗麵上面,真係令人沒法抗拒。就連Do姐早前聽完Jarvis私下介紹,去東京食過之後
都話正!而最重要係食完留返啲湯,另外order埋個意大利飯結尾,小編睇到相都流晒口水。

Glamping親親大自然
▲ Cosmopolitan.com.hk

去東京食野當然吸引,除此之外,Jarvis仲去左日本近年好hit嘅Glamping,親親大自然之餘,更學下東京人點樣離開鬧市,感受慢活態度。

拜見元祖teamLab
▲ Cosmopolitan.com.hk

網民大推嘅teamLab,元祖版teamLab到底有幾吸引、有幾多野睇?成日聽人講影相表達唔到個種震撼,又期待下Jarvis會點介紹呢個hit爆全球嘅地方。

日本都有「降魔的」
▲ Cosmopolitan.com.hk

Jarvis親身體驗日本版「降魔的」,的士司機搞靈探團,帶你遊東京講鬼故,唔通東京鬧市都有鬼?會唔會係大家次次去東京都必去嘅地方?

觀眾撐《周遊東京》載譽歸來
▲ Cosmopolitan.com.hk

《周遊東京》拍完一輯又一輯,上次介紹完冬天嘅內容,今次就主攻夏天。咁快可以有新一輯,其實都係因為節目內容夠貼地夠實在,幾乎都係睇完會想
mark底下次自己去嘅地方。

▲ Cosmopolitan.com.hk

對於得一個禮拜假,又想食得正、玩得好嘅香港人黎講,真係成個行程跟住去都得。

▲ Cosmopolitan.com.hk

另外Jarvis都好有網民心,喺每晚節目播出之後,佢都會將節目內容放上自己facebook fan page,上去cap底啲餐廳名同地址,下次就可以跟住去食買玩喇!

推薦閱讀:

旅遊節目大受歡迎,獲封貼地派日本通,周奕瑋:最怕人問一個問題

《周遊東京》主持周奕瑋:「我邊稱得上日本通」





Facebook
馬上按讚加入Yahoo奇摩時尚美妝粉絲團

    妳可能還會想看