那天跟友人討論照片的意義⋯⋯來到廿一世紀,拍照是一件 no cost 的事。只要拿起手機,按一個掣,再按一個掣,post 上 ig story,我 post 故我在。但我問一句:咩係回憶?deadddddddd airrrrrrrrrrrr。再問,一張相對你嚟講嘅意義係咩?然後發現,一些朋友自命瀟灑,覺得有啲嘢記得就記得,如果忘了就由佢 byebye,Sorry!我!不!認同,一張相,就係要幫我勾起連我自己都唔記得的回憶,甚至,係幫我重新發現同明白曾經的自己(係幾咁MK)。乜原來當日我著呢件衫同佢示愛㗎咩?!乜原來我同佢去過嗰個公園㗎咩?!

真的,人大了先明白,翻看舊照片、沖出來的照片,睇到的不是一個影像,而是你不可失去的回憶,更是一份對相中人的重視。

Files are Highly Perishable

呢個數字會唔會嚇你一跳?

話說2017年,數十億人用他們的智能手機影超過萬億張相,你都不妨望望自己部手機,一年裡頭到底影咗幾多張相!重點是,你有幾何會望吓佢地!基本上,我們都只用新科技處理照片,將啲相放上ig或者電子化,所有資料都用電腦儲存,放上iCloud 呀 、Google Drive 呀、Dropbox 呀呢啲網絡服務,不得不承認,係方便㗎,但我會問你:你望住手機啲相,真係有feel?除咗望兩眼,然後呢?

理性啲講:電腦入面嘅檔案真係好易唔見(highly perishable),大家以為 save 咗入電腦嘅資料最安全,其實電腦入面嗰啲嘢,隨時三五七年之後唔見咗;你唔見咗電話;或者memory唔夠,又或者⋯⋯太多相,可能真係唔知擺咗喺邊個 folder 然後唔覺意刪咗;又可能,真係唔知擺咗啲 files 喺邊。之後所有回憶唔見哂!

翻每一頁,都是一種感覺
而重點、一個極度感性的曬相原因是,我唔信你個腦識自己搵番所有人生片段出來!而回望過去,係一件極度有趣並重要的事。你雖然記得自己曾經染過金毛,但唔睇番啲相真係無咁大趣味;你記得自己有過條喇叭褲,但褲都不見了,唔睇番相,你又點樣找回取笑自己的趣味呢!而且,回首先識行前,先會學識唔再柒多次。

更重要嘅係,你要將「照片」變成一件「物件」。Make it a thing!不要習慣活在手機、虛擬、數碼世界,實實在在的拿著一樣野來睇來feel,先會有實實在在的感覺和感動。所以翻看沖出來的舊照片,看到的不是一個影像,而是一種回憶,甚至係一份對相中人的重視。

再浪漫一點,不妨為所愛的人特意去曬相,然係用相簿錶起,翻每一頁,都是一種感覺;再看每一幅照片,記起那年那月那日,真係唔係看電話的感覺。你諗吓自己望住老豆老母封塵了的舊相,同望住自己手機album的感覺,真係好唔同哩!

最後,因為容易,我們通常忘記了「付出」的感覺,只要找到一個願意為你「付出」的人,或者你願意為他/她「付出」的人,就真的浪漫到暈!曬張相,絕對係一種付出。其實有幾難?點解唔做?

重點不在quality 或 quantity ,望住曬出來的相,自有一番甜味。

撰文:阿恆
網上圖片

Facebook
馬上按讚加入Yahoo奇摩時尚美妝粉絲團

    妳可能還會想看

    API & Other: 0.44595718383789